"Beşiktaş" heyətini yeni futbolçu ilə gücləndirib.

"Unikal" klubun rəsmi saytına istinadən xəbər verir ki, "İstanbulspor"un mərkəz müdafiəçisi Emrecan Uzunhanın transferi ilə bağlı hər iki tərəflə anlaşan "ağ-qaralar", qısa müddətdə futbolçu ilə rəsmi olaraq müqavilə imzalayacaq.

Qeyd edək ki, 21 yaşlı futbolçu 2020-ci ildən əsas komandada çıxış edir. O, növbəti mövsümdən Super Liqada iştirak edəcək olan "İstanbulspor"un heyətində geridə qalan mövsüm 1-ci liqada 23 oyunda meydanda olub.