Britaniyada baş nazirlik uğrunda rəqabət Rişi Sunak və Liz Trass arasında gedəcək.
"Unikal" xəbər verir ki, bu gün Baş nazirlik uğrunda gedən səsvermənin növbəti mərhələsində Penni Mordaunt Mühafizəkarlar partiyası üzvlərindən 105 səs alaraq məğlub olub.
Onun rəqibləri Liz Truss 113, Rişi Sunak isə 137 səs toplayıb. Nəticələrə əsasən, baş nazirlik uğrunda yarış xarici işlər naziri Liz Truss və köhnə maliyyə naziri Rişi Sunak arasında aparılacaq.
Hər iki namizəd yay kampaniyası aparacaqlar və qalibin sentyabrın 5-də elan ediləcəyi gözlənilir.
Xatırladaq ki, Boris Conson iyulun 7-də Böyük Britaniyanın baş naziri və Mühafizəkarlar Partiyasının rəhbəri postunu tərk etdiyini bəyan edib. Nazirlər Kabinetinin yeni rəhbəri təyin olunana qədər o, səlahiyyətlərini icra edəcək.