Belarusun müdafiə naziri Viktor Hrenin Polşanın müharibəyə hazırlaşdığını bəyan edib. 

"Unikal" "Belta" xəbər agentliyinə istinadən xəbər verir  ki, Hrenin Belarusun Qrodno şəhərinə səfər edib və Qərbin hərəkətləri ilə bağlı açıqlamalar verib.

NATO-nun Belarusun qonşu dövlətlərində hərbi infrastrukturunu inkişaf etdirdiyini bildirən Hrenin:

"Polşada quru qoşunları üçün bir deyil, iki əlavə mexanikləşdirilmiş birlik hazırlanıb. Əlavə birliklər şərqdə Bialystok şəhəri yaxınlığında yerləşdiriləcək. Polşa və Baltikyanı ölkələrin hava limanlarının yenilənməsi prosesi demək olar ki, başa çatıb. Bu, bu hava limanlarında 200-ə qədər döyüş təyyarəsinin yerləşdirilməsinə imkan verəcək. İttifaq gəmilərinin qəbulu üçün limanlar yenilənir. ABŞ Silahlı Qüvvələrinə məxsus texnika və material ehtiyatlarının istifadəsi üçün ərazilər yaradılır".

Polşa, Litva və Latviyada hərbi təlim mərkəzləri və poliqonların yenidən qurulduğunu qeyd edən Hrenin “minlərlə NATO əsgərinin yerləşdirilə biləcəyi düşərgələr yaradılıb” deyib.

Gülayə Mecid