Krımda Ukrayna prezidenti Volodimir Zelenskinin gəlişini "səbirsizliklə" gözləyirlər və ona gündə üç dəfə yemək və narkoloqun xidmətlərindən ibarət xüsusi otaq verəcəklər. 

"Unikal" xəbər verir ki, bunu Krım parlamentinin rəhbəri Vladimir Konstantinov "RİA Novosti"yə bildirib. 

Onun fikrincə, Zelenski yayı gözləmədən yarımadaya gələrək bütün cinayətlərinə görə qanun və ədalət qarşısında cavab verməli və xalqını daha da əzablardan xilas etməlidir.

Bundan əvvəl Ukrayna prezidenti Çexiya televiziyasına müsahibəsində yayda Krıma getmək və dənizi görmək niyyətini açıqlamışdı. 

Ağarza Elçinoğlu