Ötən gün Naxçıvanın Babək rayonunun Nehrəm qəsəbəsindəki qətlin təfərrüatları məlum olub.
"Unikal" xəbər verir ki, bu barədə qətlə yetirilən məktəbli Tuncay Abdullayevin ailəsi Baku TV-yə danışıb.
Mərhumun anası Qahirə Bağırovanın sözlərinə görə, oğlu idmana getmək adı ilə evdən çıxıb.
“Bilmirəm, məktəbin qabağında, ya haradasa tutub, uşaqların içində deyib ki, Tuncay sənə sözüm var. Onu kənara çəkib, sonra da bıçağı çıxarıb, balamı vurub”, - deyə o qeyd edib.
