Gizadakı Xeops piramidası iyun ayından ictimaiyyət üçün bağlı olacaq.

"Unikal" xəbər verir ki,  bu barədə Misirin Turizm və Qədim Əsərlər Nazirliyi bildirib.

“Məqsəd Giza piramidalarında müntəzəm təmir proqramının bir hissəsi kimi bərpa işlərinə başlamaqdır. Menkaure Piramidası Cheops Piramidasının bağlandığı bütün müddət ərzində yerli ziyarətçilərin üzünə açıq olacaq”, - agentliyin sosial şəbəkədə yaydığı məlumatda deyilir.

Giza piramidalarının dünyaca məşhur arxeoloji kompleksi Qahirə yaxınlığında Nil çayının qərb sahilində eyniadlı yaylada yerləşir. Abidələrin yaşı 4,5 min ildən çoxdur. Kompleks IV sülalənin fironlarının üç böyük piramidasından ibarətdir : Xeops, Xafre və Mykerin.