Azərbaycanın qadın atleti Lamiyə Vəliyeva Çinin Çendu şəhərində keçirilən XXXl Ümumdünya Yay Universiadasında yarımfinala yüksəlib.

"Unikal" xəbər verir ki, idmançı 400 metr məsafəni 55.48 saniyəyə qət edib.

Vəliyeva bununla həm böyüklər, həm də 23 yaşadək qadınlar arasında Azərbaycan rekordunu da yeniləyib.

Qeyd edək ki, Fəxriyyə Tağızadə isə uzunluğa tullanma üzrə yarışda 5.78 metr nəticə ilə mübarizəni təsnifat mərhələsində dayandırıb.