İnformasiya Kommunikasiya Texnologiyaları Agentliyi (İKTA) ilk dəfə olaraq provayderi cərimə edib.

"Unikal" xəbər verir ki, bu barədə İKT üzrə ekspert Osman Gündüz məlumat paylaşıb. 

O bildirib ki, Xırdalanda fəaliyyət göstərən "BHS Fiber" şirkəti uçota durmadığı üçün cərimələnib.

"Yəni, bu provayderin adı, ünvanı , əlaqələri və s. heç kimə məlum olmayıb. Xəbərdarlıq olsa da, uçota düşməyib. Mövcud qanunvericilikdə isə bununla bağlı 1500 manatadək cərimə nəzərdə tutulub ki, RİNN-nin yeni Agentliyi ilk dəfə bu səlahiyyətindən istifadə edib".

Ekspert xatırladıb ki, ölkədə 200-dək internet servis provayder olsa da, hələlik İKTA saytında 138 provayderin uçota düşdüyü görsənir.