Bukingem Sarayı, ildə 63.000 dollar maaş alacaq bir davamlılıq hesabatı meneceri işə götürmək niyyətindədir.
"Unikal" xəbər verir ki, bu barədə The New York Post məlumat yayıb.
Məsuliyyətlərə iş təsvirinə uyğun olaraq karbon izi məlumatlarının izlənilməsi, hesabatların verilməsi və ətraf mühitə bütün emissiyalar üzrə məlumatların toplanmasının düzgünlüyünün təkmilləşdirilməsi üzrə iş daxildir.
"İlkin diqqət istixana qazları emissiyalarına yönəldilsə də, bu iş sonda sizin təşviq etməyə kömək edəcəyiniz digər ekoloji, sosial və idarəetmə təşəbbüslərinə genişlənəcək" deyə elanda deyilir.
Vakansiyada qeyd olunur ki, Bukingem sarayı ətraf mühitə xüsusi diqqət yetirir.
Vakansiyada o da bildirilir: "Biz karbon izimizi və enerji istifadəmizi azaltmaq və sıfır karbon emissiyasına nail olmaq üçün təcili tədbirlər görərək planetə təsirimizi azaltmağa qərarlıyıq".
III Çarlz çoxdan ətraf mühitin mühafizəsi ilə məşğul olub. Təbiətə olan həvəsinə görə o, “iqlim kralı” kimi tanınıb.
“Bitkilərlə və ağaclarla söhbət etməkdən, onları dinləməkdən zövq alıram. Hesab edirəm ki, bu, çox vacibdir”, - Çarlz III 2010-cu ildə demişdi.
