Rusları öldürməyə çağıran azərbaycanlı "MMA bloger" Amid Yusubov saxlanılıb. 

“Unikal” “Shot” Teleqram kanalına istinadən xəbər verir ki, ona qarşı nifrət və düşmənçiliyin yaradılması maddəsi ilə cinayət işi qaldırılıb.

Ötən gün Yusubov Rusiya ərazisini terror aktları ilə hədələdiyi, rusları öldürməyə çağırdığı və Şimal Hərbi Dairəsinə qarşı çıxış etdiyi video yayıb.

Amid daha sonra ikinci bir video yayımlayaraq üzr istəmiş, sərxoş olduğunu və heç nə xatırlamadığını demişdi. Bununla belə o, Sankt-Peterburqda saxlanılıb. Onu 6 ilədək həbs gözləyir. 

Qeyd edək ki, 33 yaşlı azərbaycanəsilli Amid Gürcüstan vətəndaşıdır. O, Belqorod şəhərində yaşayır. 

Nuranə Abbasova