Mərkəzi Kahramanmaraş olan zəlzələlərin vurduğu Hatayda minlərlə insan həyatını itirib.

"Unikal" Türkiyə mətbuatına istinadən xəbər verir ki, təbii fəlakətin 276-cı günündə Hatayda eyni binanın dağıntıları altından iki meyit tapılıb.

Xarici ölkə vətəndaşlarına aid olduğu ehtimal edilən meyitlər morqa aparılıb. Onların kimliyi DNT araşdırmaları ilə müəyyən ediləcək.

Xatırladaq ki, fevralın 6-da Türkiyənin 11 vilayətində dağıntılara və on minlərlə insanın ölümünə səbəb olan 7,7 və  7,6 bal gücündə  zəlzələ baş verib.