İstanbul Prokurorluğu Yunus Emrenin ölümünə səbəb olan Somali prezidentinin oğlu Məhəmməd Həsən Şeyx Mahmud barəsində həbs qərarı çıxarıb.

"Unikal" xəbər verir ki,  Yunus Emre Göçerin (38) idarə etdiyi motosiklet prezidentin oğlu Məhəmməd Həsən Şeyx Mahmudun idarə etdiyi 06 CD 4581 dövlət nömrə nişanlı avtomobil tərəfindən arxadan vurulub. Zərbənin təsirindən yola düşən Göçer ağır yaralanıb. Göçer aparıldığı xəstəxanada edilən bütün müdaxilələrə baxmayaraq həyatını itirib.

Göçerin ölümündən sonra mütəxəssislərin ilkin təsbitində heç bir günahının olmadığı bildirilən Məhəmməd sərbəst buraxılıb. Hadisənin görüntüləri ortaya çıxdıqdan sonra İstanbul Respublika Prokurorluğu Məhəmmədin yenidən dindirilməsini və  həbsini tələb edib. Bundan əlavə, Məhəmmədə səyahət qadağası qoyulub.