Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Çinə səfəri çərçivəsində Pakistanın Çindəki səfiri Xəlil Haşmi ilə görüşüb. 

"Unikal" xəbər verir ki, bu barədə Prezidentin köməkçisi "X" hesabında yazıb. 

Hikmət Hacıyev Pekində səfirə Pakistanın milli bayramı münasibətilə təbriklərimi çatdırıb və Azərbaycan ilə Pakistan arasında dostluq və əlaqələrin möhkəmləndiyini bir daha vurğulayıb.

***08:15

Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Çinə səfəri çərçivəsində bu ölkənin ekologiya və ətraf mühit nazirinin müavini Çjao İnminlə görüşüb.

"Unikal" xəbər verir ki, bu barədə Prezidentin köməkçisi "X" hesabında bildirib.

Görüşdə COP29-la bağlı məsələlər geniş müzakirə edilib.

"COP29-la əlaqədar qarşıda duran məsələlərlə bağlı, iqlim ədaləti, ümumi, lakin fərqli məsuliyyətlər konsepsiyası və Qlobal Cənub ölkələrinin iqlim fəaliyyətinə və yaşıl keçidə baxışları ilə əlaqədar geniş müzakirələr aparılıb. Azərbaycanda yaşıl keçid proqramı çərçivəsində Çin şirkətləri ilə əməkdaşlıq yüksək qiymətləndirilib", - deyə vurğulanıb.