Türkiyədə Şanlıurfa şəhərlərarası avtovağzalında silahlı münaqişə baş verib.

"Unikal" xəbər verir ki, atışma nəticəsində 1 nəfər ölüb, biri polis olmaqla 11 nəfər yaralanıb.

Münaqişənin səbəbi hələ ki məlum deyil. Terminaldakı polis davaya müdaxilə edib və yaralanıb. Yaralı polis məmurunun həyatı üçün təhlükə olmadığı bildirilib.

İlkin tibbi yardımdan sonra şəhərin müxtəlif xəstəxanalarına çatdırılan yaralılardan biri - Halil Deveci dünyasını dəyişib.