Monteneqroda təlim-məşq toplanışında olan minifutbol üzrə Azərbaycan millisi bu gün beynəlxalq turnirdə matça çıxacaq.

"Unikal" xəbər verir ki, aprelin 24-dən sözügedən ölkədə hazırlıqda olan Elşad Quliyevin yetirməlıri ilk oyununu Rumıniyaya qarşı keçirəcək.

Oyun Bakı vaxtı ilə 18.00-da başlayacaq.

Millimiz sabah Bosniya və Herseqovina ilə üz-üzə gələcək.

Turnirdə Bosniya və Herseqovina ilə Rumıniyadan başqa, Serbiya,  Monteneqro və Albaniya da iştirak edir.

Qeyd edək ki, yarış Bosniya və Herseqovinanın paytaxtı Sarayevoda keçiriləcək Avropa çempionatına hazırlıq məqsədi daşıyır. Avropa çempionatı iyunun 1-dən 9-na qədər Sarayevo şəhərində baş tutacaq. Yarışın mükafatları uğrunda 24 komanda mübarizə aparacaq.