Bu gün futzal üzrə Yüksək Liqada mövsümün sonuncu - XX turunun oyunları keçirilib.
"Unikal" xəbər verir ki, “Record club” yarışdan kənarlaşdırıldığı üçün “Baku Fire” meydana çıxmadan 3 xal qazanıb.
"Yasamal Bakı" ilə qarşılaşan “Neftçi” meydançaya legionerlərsiz çıxıb və 15:6 hesablı qələbəyə sevinib.
Yüksək Liqada mövsümün son matçında isə “Araz-Naxçıvan” və U-19 qarşılaşıblar. Son çempion "quru" qələbəyə imza atıb - 8:0.
Bununla da Yüksək Liqada 2023/2024 mövsümü yekunlaşıb.
Son oyundan sonra komandalara mükafatlar təqdim olunub. Əvvəlcə matçın hakim-inspektoru Murad Məmmədov və referilər - Elgün Hüseynov, Mahir Məmmədov və Rza Məmmədov səhnəyə dəvət alıblar. Bundan başqa, Vitali Borisova ("Araz-Naxçıvan") ən yaxşı baş məşqçi, 57 qol vuran “Neftçi”nin üzvü Reza Abgouna ən məhsular oyunçu nominasiyası üzrə mükafat təqdim edilib. “Neftçi”yə bürünc, “Baku Fire”yə gümüş, “Araz-Naxçıvan”a isə qızıl medallar və çempionluq kuboku təqdim edilib.
Mükafatları Azərbaycan Futzal Federasiyasının vitse-prezidenti Elşən Abasov və AFFA-nın baş katibinin müavini Kamran Vəliyev təqdim ediblər.
