"Konuşanlar" proqramı ilə geniş pərəstişkar kütləsinə çatan Hasan Can Kayanın özəl bir universitet şənliyində tanış olduğu 23 yaşlı qadını evinə apararaq narkotik maddə verərək saxladığı iddia edilib. Polisin evinə basqın etdikdən sonra saxlanıldığı xəbəri yayılan Həsən Can Kaya ona qarşı irəli sürülən ittihamları qətiyyətlə rədd edib.
"Unikal" xəbər verir ki, Həsən Can Kayhaqqında səsləndirilən iddialardan sonra yerli mətbuata açıqlama verib.
"Şikayət, şikayətçi yoxdur. Polisdə, prokurorluqda heç bir qeyd yoxdur. Saxlanılan yoxdur. Həyatımla oynamağa başladılar. Bunu kimin etdiyini öyrənəcəyəm".
***11:44
Türkiyəli məşhur komediya ustası Həsən Can Kaya saxlanılıb.
"Unikal" Türkiyə KİV-ə istinadən xəbər verir ki, Kaya universitet şənliyində 23 yaşlı qızla tanış olub. Bir müddət sonra Kaya qızı evinə dəvət edib və onlar birlikdə aparıcının Leventdəki evinə gediblər.
Maraqlısı budur ki, gənc qız Kayadan öz evinə getmək istədiyini bildirsə də, aparıcı buna imkan verməyib. Bu səbəbdən qız yaxın dostuna aparıcının ev ünvanını göndərib və onu xilas etməsini istəyib.
Bildirilir ki, Həsən Can Kaya qıza narkotik verib və evi tərk etməsinə icazə verməyib.
Qızın dostu polisə məlumat verib. Aparıcının İstanbulun Levent səmtində yerləşən evinə polis basqın edib. Gənc qız polis tərəfindən xilas edilib və bölməyə aparılıb.
O, ilkin ifadəsində "Mənə narkotik verdi, evdən çıxmağa qoymurdu", - deyə açıqlama verib. Polis tərəfindən saxlanılan Həsən Can Kaya barəsində isə araşdırma başlanılıb.
Qeyd edək ki, o, "Exxen" platformasında yayımlanan "Konuşanlar" proqramının aparıcısıdır.
Gülayə Mecid
