Rusiyada biometrikadan istifadə edərək sənədləri təqdim etmədən nikah bağlamaq xidməti göstəriləcək.

"Unikal" xəbər verir ki, bununla bağlı Rusiya baş nazirinin müavini Dmitri Qriqorenko göstəriş verib.

Xidmətin yaradılmasına bir neçə departament cəlb olunacaq. Bunlara Ədliyyə Nazirliyi, Rəqəmsal İnkişaf Nazirliyi, Federal Vergi Xidməti və Biometrik Texnologiyalar Mərkəzi daxildir. Yeni xidmətin köməyi ilə ruslar vətəndaşlıq qeydiyyatı şöbələrində nikah, adın dəyişdirilməsi və atalığın müəyyən edilməsi prosedurlarından da keçə biləcəklər. 

Vətəndaşlıq qeydiyyatı zamanı şəxsiyyəti təsdiqləmək üçün dövlət Vahid Biometrik Sistemindən istifadə olunacaq. Xidmət işə salındıqdan sonra ruslar adi qaydada - şəxsiyyəti təsdiq edən sənədlərdən istifadə etməklə xidmətlər ala biləcəklər.