Suriya Hava Yolları 12 ildən sonra Ər-Riyada uçuşlara başlayıb.

"Unikal" xəbər verir ki, bu barədə Suriyanın SANA xəbər agentliyi məlumat yayıb.

Məlumata görə, Suriya Hava Yollarına məxsus təyyarə bu gün səhər saatlarında Səudiyyə Ərəbistanının paytaxtı Ər-Riyaddakı Kral Xalid hava limanına eniş edib.

Məlumatda uçuşun Dəməşq və Ər-Riyad arasında müntəzəm reyslərə çevrilməsinin siqnalı olduğu bildirilib.

Qeyd edək ki, 2011-ci ildə Suriyada ixtişaşlar başlayandan sonra Səudiyyə Ərəbistanı ilə Suriya hökuməti arasında diplomatik əlaqələr kəsilmiş və 2012-ci ilin martından etibarən iki ölkə qarşılıqlı uçuşları dayandırmışdı.

Zərifə Nağıyeva