ABŞ prezidenti Co Bayden demokratların onu seçki yarışından kənarlaşdırmağa çalışdığına görə özünü xəyanətə uğramış və təhqir olunmuş hiss edir.

"Unikal" xəbər verir ki, bu barədə "NBC News" mənbələrə istinadən məlumat yayıb. 

“Prezident Co Bayden siyasi karyerasının ən böyük böhranı ilə üzləşdiyi çətin vaxtda bir çox demokratlar tərəfindən şəxsən təhqir olunmuş və xəyanət edilmiş hiss edir... Bayden partiyanın onu seçkiqabağı mübarizədən kənarlaşdırmağa çalışmasına qəzəblidir”, - məlumatda deyilir.

Telekanalın məlumatına görə, bəzi demokratlar Baydenin yarışdan geri çəkilməsinə çağırışlarının heç nəyi dəyişməyəcəyinə inanırlar, ona görə də hələlik bunu etməməyə üstünlük verirlər.