7 il əvvəl İspaniya bölgəsində müstəqillik referendumunu təşkil etdikdən sonra İspaniyadan qaçan keçmiş Kataloniya lideri Karles Puçdemon ölkəsinə qayıdıb.
"Unikal" xəbər verir kİ, bu barədə “Politico” məlumat yayıb.
Puçdemon qısa müddət ərzində şəhərdəki tərəfdarları qarşısında çıxış edib və sonra yoxa çıxıb.
O, Kataloniyanı İspaniyanın qalan hissəsindən ayırmaq cəhdində iştirakına görə İspaniyada mənimsəmə ittihamı ilə üzləşib. Puçdemon karyerasını İspaniyanın şimal-şərqində onilliklər boyu davam edən yeni bir ölkə yaratmağa həsr edib. Onun barışmaz yanaşması digər separatçı partiyalarla, eləcə də İspaniyanın mərkəzi hökuməti ilə siyasi münaqişəyə səbəb olub.
Puçdemonun geri qayıtmasına yerli hakimiyyət orqanlarının necə reaksiya verəcəyi hələ də bəlli deyil. Bunun fonunda İspaniya polisi Kataloniya separatçılarının lideri Karles Puçdemonu ələ keçirmək məqsədilə Barselonanı mühasirəyə alıb.
Gülayə Mecid
