İndoneziyanın keçmiş prezidenti Meqavati Sukarnoputri Sankt-Peterburqda özünə və atası, ilk dövlət başçısı Sukarnoya abidə ucaltmağa icazə verib.

"Unikal" Rusiya mediasına istinadən xəbər verir ki, Sukarnoputrinin sözlərinə görə, bu yaxınlarda Sankt-Peterburq Dövlət Universitetində olub. Universitet rektoru da ona abidə ucaltmağı təklif edib və o bu barədə düşünəcəyini bildirib.

“Vətənə qayıtdıqdan və bu mövzuda düşünəndən sonra iki xalq və ölkə arasındakı tarixi əlaqələrə, eləcə də gələcək çağırışlara nəzər saldıqdan sonra təhsil, tədqiqat və innovasiya sahəsində əməkdaşlığı gücləndirməyin nə qədər vacib olduğunu anladım. Bu, təkcə Bunq Karno və şəxsən mənim üçün deyil, bütün İndoneziya xalqı üçün böyük şərəfdir”, - deyə eks-prezident bildirib.