Futbol üzrə Rusiya milli komandasının DÇ-2026-nın seçmə mərhələsinin püşkatma mərasimində iştirakına icazə verilməyib.

"Unikal" xəbər verir ki, bu barədə Match TV öz mənbəsinə istinadən məlumat yayıb.

“Rusiya millisinin dünya çempionatının seçmə mərhələsinin püşkatmasında iştirakına icazə verilməyəcək. Komanda təhlükəsizlik problemlərinə görə seçmə mərhələdə iştirak edə bilməyəcək;

Püşkatma mərasimi dekabrın 13-də İsveçrənin Sürix şəhərində keçiriləcək. Avropada seçmə turnir 2025-ci ilin martından 2026-cı ilin martına kimi keçiriləcək.