Yanvarın 29-u saat 4 radələrində Sumqayıt şəhəri ərazisində 1993-cü il təvəllüdlü Səbinə Babışovanın öldürülməsi barədə şəhər prokurorluğuna məlumat daxil olub.

Sumqayıt şəhər prokurorluğundan "Unikal"a bildirilib ki, araşdırma zamanı 1989-cu il təvəllüdlü Ağabala Babışovun yaşadıqları evdə bıçaqla xəsarətlər yetirərək arvadı Səbinə Babışovanı qəsdən öldürməsinə əsaslı şübhələr müəyyən edilib. 

Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ağabala Babışov iş üzrə şübhəli şəxs qismində tutulub.

İbtidai istintaq davam edir.

***

09:24

Sumqayıtda qətl hadisəsi baş verib.

"Unikal" xəbər verir ki, hadisə 12-ci mikrorayonda qeydə alınıb.

Belə ki, 32 yaşlı Səbinə Babışova səhər saatlarında əri Ağababa Babışov tərəfindən bıçaqla qətlə yetirilib.

Cütlüyün iki azyaşlı övladı var.

Faktla bağlı araşdırma aparılır.