Slovakiyanın baş naziri Robert Fitso ilə Avropa Komissiyasının nümayəndələri arasında Rusiya qazının Ukrayna ərazisindən tranzitinin dayandırılması məsələsi ilə bağlı bu gün Brüsseldə keçirilməsi planlaşdırılan görüş baş tutmayıb.

"Unikal" xəbər verir ki, bu barədə Slovakiyanın Brüsseldəki daimi nümayəndəliyi məlumat yayıb.

“Baş nazir Robert Fiko ilə Avropa Komissiyasının nümayəndələri arasında bugünkü görüş ləğv edilib. Brüssel Hava Limanı bizə məlumat verdi ki, Belçika üzərindən hava hərəkəti mümkün deyil. Baş nazirin olduğu təyyarə Slovakiyaya qayıdır”, - Daimi Nümayəndəlikdən bildiriblər.

Qeyd edək ki, Belçikada hava nəqliyyatında fasilə yerli vaxtla təxminən 15:00-dan 16:00-a qədər davam edib. Bunun idarəetmə mərkəzinin kompüter sistemindəki uğursuz yeniləmə səbəbindən baş verdiyi güman edilir.