Polşa prokurorluğu dövlət çevrilişi ilə bağlı araşdırmalara başlayıb.

"Unikal" xarici mətbuata istinadən xəbər verir ki, Konstitusiya Məhkəməsinin sədrinin sözlərinə görə, baş nazir, nazirlər, Seymin (Milli Assambleyanın aşağı palatası) və Senatın marşalları (spikerləri), hakim koalisiyanın deputatları və senatorları, ştatın qanunvericilik mərkəzinin rəhbəri və bəzi hakimlər, eləcə də bəzi digər şəxslər bu işdə iştirak edə bilərlər. 

Bu məlumatı Qanun və Ədalət partiyasının lideri Yaroslav Kaçinski şərh edib.

“Konstitusiya Məhkəməsi sədrinin təşəbbüsünü və Baş prokuror müavininin cinayətin – dövlət çevrilişinin törədilməsində əsaslı şübhələr barədə bəyanatı əsasında araşdırmaya başlamasını məmnunluqla alqışlayıram”, - deyə o bildirib.

Hadisələr fonunda, baş nazir Donald Tuskun reaksiyası özünü çox gözlətməyib. O, stolüstü tennis oynadığı videonu sosial şəbəkədə yerləşdirib və belə şərh edib:

"Buyurun, burada ciddi işimiz var. Bununla sonra məşğul olacağıq". 

Siyasətçinin sözügedən postu maraqla qarşılanıb. Yaroslav Kaçinski isə Tuskun bu addımını yüksək qiymətləndirib,  lakin iş başında bu işlərlə məşğul olmasına diqqət çəkib. 

Gülayə Mecid