Yaşadığı evin hasarına çox sayda sayğaclar quraşdırılıb.

"Unikal" Xəzər Tv-yə istinadən xəbər verir ki, paytaxt sakini Adilə Gülməmmədova bildirir ki, yaşadığı ünvanda, yəni Sabunçu rayonu, Maştağa qəsəbəsi, Daş karxanası yaxınlığındakı bu evin hasarına və divarlarına qonşuların qaz sayğacları və qaz boruları quraşdırılıb. Onlar evi bir il əvvəl bu cür alıblar. Şikayətçi dəfələrlə aidiyyəti qurumlara da müraciət etdiklərini deyir.

Ev sakini Günel Mehnatova isə deyir ki, sözügedən sayğaclar evin təmirinə də ciddi maneələr yaradır.

"Azəriqaz" İstehsalat Birliyi ilə əlaqə saxlanılıb.

Qurumdan bildirilib ki, əraziyə baxış keçiriləcək və məsələ araşdırılacaq.