ABŞ prezidenti Donald Trampın reytinqi onun yanvarın 20-də inauqurasiyasından sonra ilk dəfə rekord həddə düşüb.

"Unikal" xəbər verir ki, bu barədə "Ipsos" şirkəti məlumat yayıb.

Hazırda Ağ Ev rəhbərinin reytinqi 43% olduğu halda, yanvarda bu göstərici 47% təşkil edib.

Trampa mənfi münasibət bəsləyən respondentlərin ən çoxu narazılıqlarına səbəb kimi ABŞ-nin hərbi planlarına dair məxfi məlumatların sızması ilə bağlı qalmaqalı göstəriblər (74%).

52% ABŞ prezidentinin başqa ölkələrdən gələn mallara rüsum tətbiq etməsinin onlara və ya yaxınlarına zərər verəcəyindən qorxur.

Sorğu martın 31-dən aprelin 2-dək aparılıb. Sorğuda yetkinlik yaşına çatmış 1486 ABŞ vətəndaşı iştirak edib.

Gülayə Mecid