Metformin qəbulu 90 yaşa qədər yaşama şansınızı artıra bilər. Bu, tip 2 diabet üçün ən çox yayılmış dərmanlardan biridir.

"Unikal" xəbər verir ki, amerikalı elm adamları ilk dəfə genişmiqyaslı Qadın Sağlamlığı Təşəbbüsü kohort tədqiqatının məlumatlarından istifadə edərək "ideal" klinik sınaq modelləşdiriblər və diabet üçün metformin qəbul edənlərin daha uzun yaşadığı qənaətinə gəliblər. 

Tədqiqata, əvvəllər müalicə almamış, yeni diaqnoz qoyulmuş diabetli 60 yaşdan yuxarı qadınlar daxil olub. Müalicənin sağ qalmağa təsirini qiymətləndirmək üçün simulyasiya edilmiş klinik sınaq yanaşmasından istifadə edilib. Təhlildə 438 iştirakçı iki bərabər qrupa bölünüb: biri metformin, digəri sulfonilüre törəmələri ilə terapiyaya başlayıb. Bədən kütləsi indeksindən və həyat tərzindən tutmuş, müşayiət olunan xəstəliklərə qədər onlarla amil nəzərə alınıb.

15 ildən çox izləmə zamanı 90 yaşından əvvəl ölüm riski metformin qrupunda müqayisə qrupuna nisbətən 30 faiz aşağı olub. Müəlliflər vurğulayırlar ki, bu, gözlənilən ömür uzunluğunun sübut olunmuş artımı deyil, yalnız alternativ dərmanla müqayisədir. Assosiasiya mütləq səbəbli deyil və əlavə tədqiqatlara, o cümlədən randomizə edilmiş nəzarət edilən sınaqlara ehtiyac var.