Suriyanın yeni hakimiyyət orqanları ölkənin gerbində dəyişiklik etmək qərarına gəliblər.

"Unikal" xəbər verir ki, bundan sonra gerb qanadları açılmış və başının üstündə üç ulduz olan qartal obrazında olacaq. Dövlət rəmzi Dəməşqdə Əl-İxbariya telekanalı tərəfindən yayımlanan təntənəli tədbirlər zamanı təqdim edilib.

Suriya prezidenti Əhməd əl-Şaraa keçid dövrünə həsr olunmuş mərasimdə bildirib ki, dəyişdirilmiş qartal ölkə tarixində yeni mərhələni və Suriya xalqının gücünü simvollaşdırır.

Əvvəllər Suriyanın gerbində sinəsində qalxan olan, üzərində iki ulduz olan qartal təsvir edilmişdi. Quş caynaqlarında üzərində “Suriya Ərəb Respublikası” yazısı olan lent tutmuşdu.