Azərbaycanda poçt sektorunun özəlləşdirilməsi təklif olunur
Azərbaycanda poçt sektorunun özəlləşdirilməsi təklif olunur

“Bizim poçt sistemindən gözləntilərimiz özünü doğrultmur. Yeni xidmətlər olsa da, yenə də poçtlar banklarla rəqabətdə özünü doğrulda bilmir.
Düzdür, dünyanın hər yerində poçtla vəziyyət belədir. Məsələn, Amerikada “Royal Name”, “US Name” kimi poçt qurumları da bizim poçtla eyni vəziyyətdədir. Lakin bu qurumun inkişafı üçün yeni təkliflər həyat keçirmək lazımdır”. Bunu Azərbaycanın rabitə və informasiya texnologiyaları naziri Əli Abbasov bildirib.
Nazir poçt sektorunun inkişaf etdirilməsi üçün dövlət poçt obyektlərinin özəlləşdirilməsini təklif etdiklərini vurğulayıb: “Nazirlər Kabinetinin iclasında çıxışlarımdan birində bu təklifi irəli sürmüşəm. Bundan başqa, poçtların mikrokreditlər sisteminə qoşulması da çox yaxşı olar. Bu istiqamətdə danışıqlar aparmaq, müvafiq tərəflərin yardımından istifadə etmək lazımdır. Bəlkə bu mikrokreditlər sistemi olarsa, poçt sistemi də özünü doğrulda bilər”.