İspaniyalı futbolçu Mark Kukurella 2026-cı il Dünya Kubokunda ən çox diqqət çəkən oyunçulardan biri olub. Bu mövsüm karyerasını "Real Madrid"də davam etdirəcək 28 yaşlı sol cinah müdafiəçisinin saç düzümü turnirdə diqqət çəkib.

"Unikal" xarici mətbuata istinadən xəbər verir ki, Kukurella və onun xanımı Klaudiya Rodrigez sənədli filmdə ispaniyalı oyunçunun saç düzümünün arxasındakı həqiqəti açıqlayıblar. 

Məlum olub ki, ulduz futbolçu oğluna görə saçlarını kəsdirmir və oyun zamanı saçlarını yığmır. Buna səbəb autizm diaqnozu qoyulan cütlüyün böyük oğulları Mateonun onu meydandakı 22 oyunçu arasından və televiziya ekranından rahatlıqla tanıya bilməsidir. Futbolçu bildirib ki, hər hansı yeni kluba transfer olunmazdan əvvəl həmin şəhərdə Mateo üçün uyğun xüsusi məktəblərin və terapiya mərkəzlərinin olub-olmamasını araşdırır. Onun üçün ailənin ehtiyacları futboldan öndə gəlir.