Ramil Usubov polislərə tapşırıq verdi

Azərbaycan Daxili İşlər Nazirliyində (DİN) geniş kollegiya iclası keçirilib.
Daxili işlər naziri, general-polkovnik Ramil Usubovun sədrliyi ilə keçirilən iclasda əsasən vətəndaşların ərizə və şikayətlərinə baxılması və kadr məsələləri ilə bağlı görülmüş işlər, qarşıda duran vəzifələr, mövcud nöqsan və çatışmazlıqlar və onların aradan qaldırılması yolları ilə bağlı müzakirələr aparılıb. Nazir R.Usubov gündəlikdəki məsələlər üzrə görülən işlərin bütövlükdə qənaətbəxş olduğunu, eyni zamanda, bəzi ərazi orqanlarında müəyyən nöqsan və çatışmazlıqların mövcudluğunu qeyd edərək müvafiq istiqamətlərdə qısa müddətdə əsaslı dönüş yaradılmasını tələb edib, konkret tapşırıq və tövsiyələrini verib.
Kollegiyadakı müzakirələrlə bağlı geniş məlumatların DİN tərəfindən rəsmi açıqlanacağı gözlənilir.