Mübariz Mənsimovun Azərbaycandakı zavodunda korrupsiya aşkarlandı
Mübariz Mənsimovun Azərbaycandakı
zavodunda korrupsiya aşkarlandı
İş adamı küncə sıxışdırılır

Məşhur iş adamı Mübariz Mənsimova məxsus Azərbaycandakı “Pal Süd Dağıtım” zavodunda korrupsiya faktı aşkarlanıb. Baş Prokurorluğun mətbuat xidmətindən bildirilib ki, “Pal Süd Dağıtım” MMC-nin əməkdaşlarının qanunsuz hərəkətlərə yol vermələri barədə Baş prokuror yanında Korrupsiyaya qarşı Mübarizə İdarəsinə daxil olmuş məlumat araşdırılıb.
Cəmiyyətin satış müdiri Elçin Hacıyevin və satış təmsilçisi Nicat Şirinovun cəmiyyətə məxsus müvafiq olaraq 50.291 və 9.217 manat məbləğində pul vəsaitini mənimsəmələrində şübhələr üçün əsaslar olduğundan fakta görə Cinayət Məcəlləsinin 179.2.3, 179.2.4, 179.3.2 (mənimsəmə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanıb.
Hazırda iş üzrə istintaq davam etdirilir.