Prezident Birləşmiş Ərəb Əmirliklərinin
Azərbaycandakı səfirini diplomatik fəaliyyətinin başa çatması ilə əlaqədar qəbul edib
Prezident İlham Əliyev aprelin 9-da Birləşmiş Ərəb Əmirliklərinin səfiri Salem Xalifa Mohamed Əl-Ğaflini diplomatik fəaliyyətinin başa çatması ilə əlaqədar qəbul edib.
Dövlət başçısı İslam aləminin müqəddəs ocaqlarının ziyarətindən məmnunluğunu bildirib. Birləşmiş Ərəb Əmirlikləri ilə əlaqələrin genişləndirilməsində maraqlı olduqlarını deyən prezident İlham Əliyev ikitərəfli münasibətlərin möhkəmləndirilməsində müxtəlif səviyyəli qarşılıqlı səfərlərin önəmini qeyd edib.
Səfir Salem Xalifa Mohamed Əl-Ğafli Azərbaycanda diplomatik fəaliyyəti dövründə səfirliyin işinə yaradılan yüksək şəraitə görə Azərbaycan hökumətinə və şəxsən prezident İlham Əliyevə minnətdarlığını bildirib. O, ikitərəfli əlaqələrin bundan sonra da inkişaf etdiriləcəyinə ümidvar olduğunu söyləyib.
.jpg)
