2016-cı ildə dünyanın 22 ölkəsində 74 jurnalist öldürülüb.
Unikal.org-un APA-ya istinadən xəbərinə görə, bu barədə qeyri-hökumət təşkilatı olan "Press Emblem Campaign məlumat yayıb.
Təşkilat jurnalistin işləməsi üçün ən təhlükəli ölkələr olaraq açıqladığı Əfqanıstanda 10, Suriyada 9, Meksikada 8, İraq və Yəmənin hər birində 7, Qvatemalada 5, Hindistanda 4, Pakistan və Türkiyənin hər birində 4 jurnalistin öldürüldüyünü açıqlayıb. Təhlükəli ölkələrin ilk onluğuna Rusiya, Filippin və Salvadorun da adı daxil edilib. İlin əvvəlindən bu ölkələrin hər birində 2 jurnalist qətlə yetirilib.
"Press Emblem Campaign 2004-cü ildə yaradılıb və BMT yanında məşvərətçi statusa malikdir.
