Şəkidə 19 yaşlı oğlanı ilan sancıb.

Unikal.org bildirir ki, Qax Mərkəzi Rayon Xəstəxanasından (MRX) APA-ya istinadən bildirir ki, bu gün saat 07.00 radələrində Şəki rayonu Biləcik kənd sakini, 19 yaşlı Cavid Bəhram oğlu Əlimov ilan sancması xəsarəti ilə xəstəxanaya daxil olub.

Məlum olub ki, Cavid Əlimov yaşadığı kəndin inzibati ərazisində kartof sahəsində ot çalan zaman ilan qəfildən onun sol ayağının topuq nahiyəsindən sancıb. Xəstəxananın reanimasiya şöbəsinə yerləşdirilən Cavid Əlimova lazımi tibbi yardım göstərilib, vəziyyəti orta-stabil qiymətləndirilir.