İranın qlobal neft bazarına qayıtması hələlik güc bölgüsünə ciddi təsir etməyib. Unikal.org-un məlumatına görə, bu barədə "SOCAR Trading şirkətinin rəhbəri Arzu Əzimov "Bloomberg agentliyinə müsahibəsində deyib.

O, bildirib ki, qonşu ölkənin bazara qayıdışından qorxanlar vəziyyəti şişirdir. "Logistik çətinliklər səbəbilə İranın Avropa bazarında payı olduqca azdır. İran hələlik "SuMed borusuna (Bu boru vasitəsilə Yaxın Şərqdəki şirkətlər Aralıq dənizinə iri həcmdə neft ixrac edə bilir) çıxışını bərpa edə bilmir, - deyə o bildirib.

Neftin qiymətləri ilə bağlı proqnoz verən A. Əzimov deyib ki, cari ilin sonunadək "qara qızılın 1 barrelinin qiymətinin 40 dollardan aşağı düşəcəyinə inanmır: "Çünki, qiymət bu həddə düşsə, ABŞ-da buruqlar bağlanacaq, beləliklə, təklif azalacaq.