OPEK-ə üzv ölkələr sentyabrda Əlcəzairdə, Beynəlxalq Energetika sammiti çərçivəsində qeyri-rəsmi görüş keçirəcəklər.

Unikal.org-un The Wall Street Journal-a istinadən verdiyi xəbərə görə, bu barədə OPEK-in prezidenti, Qətərin energetika naziri Məhəmməd əs-Səda bildirib.

"OPEK ölkələri dünya bazarında neftin qiymətinin aşağı düşməsindən narahatdırlar və vəziyyətin stabilləşməsi üçün daim ünsiyyətdədirlər. Biz baş verən prosesləri diqqətlə izləyirik.Düşünürəm ki, bu gün neft bazarında müşahidə edilən vəziyyət müvəqqətidir. Bu ilin son iki rübündə xam neftə tələbatın artması, neft ehtiyatlarının isə azalması gözlənilir. Cari ilin son aylarında neft qiymətləri tədricən artacaq, deyə Məhəmməd əs-Səda vurğulayıb.