Brokerləri heç kim ləğv edə bilməz
"Bəzən gömrük brokerlərini monopoliya ilə əlaqələndirirlər. Belə iddialar əsassızdır".

Unikal.org "Marja"ya istinadən xəbər verir ki, bunu bu gün keçirdiyi mətbuat konfransında Dövlət Gömrük Komitəsinin sədri Aydın Əliyev bildirib. "Gömrük Məcəlləsi ilə belə bir institut Azərbaycanda mövcuddur. Bunu heç kim ləğv edə bilməz. Əgər broker institutunu ləğv etsək xarici ictimaiyyət bizi səhv başa düşə bilər. Brokerlər xidmət göstərmək üçün mövcuddurlar. Həmçinin biz fiziki və hüquqi şəxslərə rəsmiləşdirmə üçün birbaşa gömrük idarələrinə də müraciət etməyi məsləhət görürük".