Bakıda klublardan birində müğənni İlhamə Qasımovanın başına iş gəlib. 
Unikal.org  Big.az-a istinadən xəbər verir ki, bu barədə müğənni özü bildirib. Belə ki, o Avropadan gələn qonaqlarını əyləndirmək üçün kluba gedib və girişdə xoşagəlməz hadisə ilə qarşılaşıb:

"Qonaqlarla maraqlı yerlərdən birinə getmək fikrinə düşük. ... klubuna getdik, əvvəlcə lift qarşısında duran nəzarətçiyə yaxınlaşıb, "dress-kod olub-olmadığını soruşdum. Kişilərə şortikdə girişin qadağan olunduğunu, qadınlara isə heç bir geyim məhdudiyyəti qoyulmadığını dedilər. Qonaqlar paltarlarını dəyişdi, yenidən həmin kluba gəldik. Bu dəfə 3 müdafiəçi salamlaşıb, rezerv olub-olmadığını soruşdu. Bütün stolların dolu olduğunu bildirib, gözləməyimizi istədi. 

Əvvəlcə masa olmadığını dedi, daha sonra isə ayağımda idman ayaqqabısı olduğu üçün içəri girməyimə icazə verilmədiyini bildirdi. Əgər belə idisə, niyə ilk dəfədən bunu demirdilər? Başa düşmədim, İbizadayam, Monakodayam, yoxsa ulduzların məkanındayam ki, qapıda gözlədirlər?

Avropadan gələn qonaqlar da çox təəccübləndi. Hər şeyi mədəni formada yazdım, əslində bundan betər idi. 

Əziz sahibkarlar, bundan sonra restoran, məkan açanda, bizi dəvət edərkən, zəhmət çəkib qonorarımızı ödəyin. Başa düşdüm ki, dəyməzmiş. Qonaqlar qarşısında çox utandım. 

"İçəri buraxmadılar..."-məşhur müğənni avropalıların yanında pərt oldu