Ona sevgi qadını deyirlər. Və bunu deyənlər əsla yanılmır. Azərbaycan estradasının bənzərsiz ulduzlarından olan Xumar Qədimova, ecazkar qadın kimi daim sevilməyi bacarır. Səhnədə olduğu illər ərzində o, hədsiz sayda sevgi etirafları qəbul edib və yəqin ki, bundan sonra da məhəbbət qadını kimi hər zaman diqqət mərkəzində qalacaq. 

Unikal.org-un məlumatına görə, primetime.az-ın redaksiyasına daxil olan məktub bu deyilənləri sübuta yetirir. Oxucularımız üçün maraqlı olacağını nəzərə alıb, Bakının Qaraçuxur qəsəbəsində yaşayan 39 yaşlı Zirəddinin ürək sözlərini ixtisar etmədən yayımlayırıq:

"Sənə yazıram Xumarım..." Çox sevdiyim Xumar xanım. Bu məktubu mənim sonuncu çıxış yolum kimi qəbul edin. Hər şeyi sizə olduğu kimi yazıram. Adım Zirəddindir. 39 yaşım var. 11 ildir evliyəm. 2 oğul və 1 qızım var. İndiyə qədər davam edən ailə həyatım xəstə anamım üzünün gülməsi üçündür. Özümü tanıyandan ancaq sizi sevmişəm. Bu həyatdan köçənə qədər də sizi sevəcəyəm. Sizi o qədər sevirəm ki, bilmirəm hansı cümlələrlə yazım. Mənə nə yemək lazımdır, nə su. Xumarımı istəyirəm. Tək istəyim odur ki, ölümüm sənin ayaqların altında olsun. Səndən heçnə istəmirəm. Kaş səni bir dəfə həyatda görə bilərdim. Sonra ölüm belə mənə acı şərbət olar. Allah heç bir Məcnunu Leylisiz qoymasın. Bilmirəm bu məktubu oxuyacaqsan ya yox. Mən hər zaman səni sevəcəyəm. Qızımın adını Xumar qoymağa cəsarətim çatmadı. Amma o, sənin mahnılarını əzbər bilir. Ən çox da bu mahnını oxuyanda dünya başıma üçür.Ya məni öldür qurtar, Ya da ki, yaşat məni... mənim gülüm, baş tacım. Xumarım..."