Bir müddət əvvəl silahlı fotosu ilə gündəmə gələn xanım direktor yeni məktəbə təyinat alıb.
Unikal.org xəbər verir ki, qafqazinfo-ya daxil olan məlumata görə, nazir Mikayıl Cabbarovun əmri ilə oktyabrın 25-də Şıxlinskaya Kəmalə Məcid qızı Binəqədi rayonu 179 saylı orta məktəbin direktoru vəzifəsindən çıxarılaraq Xətai rayonu 59 saylı məktəbin rəhbərliyinə gətirilib.
Qeyd edək ki, gənc direktor 17 mart, 1981-ci ildə anadan olub. 2002-ci ildə Azərbaycan Dillər Universitetini bitirib. Xanım direktor ötən il medianın gündəminə məhz silahla çəkdirdiyi fotolarla düşmüşdü. O isə açıqlamasında sözügedən şəkillərin Londonda çəkildiyini qeyd etmişdi.
Xatırladaq ki, Kəmalə Şıxlinskaya Şəmkir rayon təhsil şöbəsinin müdiri Məcid Şıxliniskinin qızıdır.
![Silahla fotosu yayılan direktora yeni vəzifə verildi Silahla fotosu yayılan direktora yeni vəzifə verildi](http://www.qafqazinfo.az/newsphotosession/2016/11/08/ddd.jpg)
![Silahla fotosu yayılan direktora yeni vəzifə verildi Silahla fotosu yayılan direktora yeni vəzifə verildi](http://www.qafqazinfo.az/newsphotosession/2016/11/08/14729089-1097465217039306-7070125405555165118-n-653.jpg)