Şəkidə 30 yaşlı qadın dəm qazından zəhərlənərək ölüb.

Unikal.org xəbər verir ki, hüquq-mühafizə orqanlarından apa-ya verilən məlumata görə, hadisə ötən gecə saat 04 radələrində Şəki şəhəri, Süleyman Kazımov küçəsi ev 12 ünvanında baş verib.

1987-ci il təvəllüdlü Arzu Aydın qızı Əliməmmədova yaşadığı evin vanna otağında huşsuz vəziyyətdə qaynanası tərəfindən aşkar edilib.

Hadisə yerinə çağırılmış həkimlərin müayinəsi zamanı iki uşaq anası olan Arzu Əliməmmədovanın öldüyü müəyyən olunub.

İlkin ehtimala görə, o, dəm qazından zəhərlənərək ölüb.

Faktla bağlı Şəki Prokurorluğunda araşdırma aparılır.