İraqın Mosul şəhəri yaxınlığında İŞİD terror qruplaşmasının qurbanlarının ən iri kütləvi məzarlığı aşkarlanıb. 

Unikal.org xarici mətbuata istinadən xəbər verir ki, dərinliyi 400 metr olan çuxur Xasfa rayonunda, Mosul-Bağdad yolunun kənarında yerləşir.

Məlumata görə, İŞİD terrorçuları qətlə yetirdikləri şəxsləri həmin quyuya atırmışlar. Yerli sakinlərin sözlərinə görə, terrorçular 2014-cü ildə şəhəri ələ keçirdikdən sonra kütləvi şəkildə edam etdikləri polis və hərbçilərin cəsədlərini hər dəfə bu çuxura atırmışlar. Edam proseslərinin əksər hallarda xəndəyin yanında icra olunduğu qeyd olunur.

Xəndəkdə, ilkin məlumata görə, 4 minədək cəsədin olduğu ehtimal edilir.