2017-ci ilin yanvar ayı ərzində informasiya və rabitə müəssisələri 127,8 milyon manatlıq xidmət göstərib ki, bunun da 71,3 faizi əhali tərəfindən istehlak olunub. 2016-cı ilin eyni dövrü ilə müqayisədə informasiya və rabitə xidmətlərinin dəyəri real ifadədə 2,3 faiz azalıb, bu sahədə əldə edilmiş gəlirin 79,8 faizi qeyri-dövlət sektorunun payına düşüb.

Dövlət Statistika Komitəsindən Unikal.org-a bildirilib ki, xidmətlərdən əldə edilən gəlirin 50,0 faizi və ya 63,9 milyon manatı mobil telefon rabitəsi sahəsində formalaşıb.