Azərbaycanda məhkəmə hakimi dünyasını dəyişib. Bu barədə Yasamal Rayon Məhkəməsinin sədri Ələddin Cəfərov Azərbaycan Məhkəmə Hakimlər Assosiasiyalar İttifaqının ümumi yığıncağında bildirib.
Onun sözlərinə görə, Goranboy Rayon Məhkəməsinin hakimi Şirzad Hüseynov ötən gün vəfat edib.
Qeyd edək ki, Ş.Hüseynov 1956-cı ildə anadan olub. O, 1995-2000-ci ildə Tovuz Rayon Məhkəməsində, 2000-2007-ci ildə Samux Rayon Məhkəməsində, 2007-2008-ci ildə Ağstafa Rayon Məhkəməsində hakim işləyib. O, 2008-2013-ci illərdə Ağstafa Rayon Məhkəməsinin sədri vəzifəsində çalışıb. Ş.Hüseynov 2013-cü ildən isə Goranboy Rayon Məhkəməsində hakim işləyib.
