Martın 11-də Suriyanın paytaxtı Dəməşq şəhərinin Bab əs-Saqir qəbiristanlığında törədilən partlayış nəticəsində ölənlərin sayı 74 nəfərə çatıb.

Unikal.org xarici mətbuata istinadən xəbər verir ki, bundan əvvəl 40-dan çox insanın öldüyü bildirilirdi.

Suriya Daxili İşlər Nazirliyinin məlumatına görə, terror aktı nəticəsində ən azı 120 nəfər müxtəlif dərəcəli bədən xəsarəti alıb.

Qeyd edək ki, terrorçuların hədəfi şiə qəbiristanlığına gələn müsəlman zəvvarlar olublar.