Bu axşam Eyfel qülləsinin işıqları Sankt-Peterburqda həlak olanların xatirəsinə söndürüləcək.

Unikal.org-un məlumatına görə, bu barədə Paris meri Ann İdalqo "Twitter" səhifəsində yazıb.

Xatırladaq ki, bu ilin yanvarında Fransanın simvolu olan qüllədə işıqlar Kvebekdə məsciddə hücum nəticəsində həlak olanlarına xatirəsinə ehtiram əlaməti olaraq söndürülmüşdü. Ötən ilin iyul ayında isə qüllə Nitsada həlak olanların xatirəsinə hörmət əlaməti olaraq Fransanın bayrağının rənglərinə boyanmışdı.