İsveç polisi Stokholmda terror aktı törətməkdə şübhəli bilinən şəxsin fotosunu yayımlayıb.

Unikal.org-un RİA Novosti agentliyinə istinadən verdiyi xəbərə görə, onun artıq axtarışa verildiyi bildirilir.

Məlumata görə, hüquq-mühafizə orqanlarının mümkün terror aktı ilə bağlı məlumatları olmayıb.

Bu gün İsveçin paytaxtı Stokholmun mərkəzində sürücü yük maşınını insanların üstünə sürüb. İlkin məlumata görə, hadisə nəticəsində 5 nəfər ölüb.